سيد مقبول حسين موسوي: سيد مقبول حسين ولد سيد عبدالله شاهه موسوي، 19 مئي 1933ع تي سکر ۾ ڄائو، بي. اي (آنرس) بي. ٽي ۽ ايم. اي (پوليٽيڪل سائنس) پاس ڪرڻ کانپوءِ، تعليم کاتي ۾ ملازمت اختيار ڪيائين. 1951ع کان 1955ع تائين گورنمينٽ هاءِ اسڪول سکر ۾ استاد ٿي رهيو. 1955ع کان 1957ع تائين پير جي ڳوٺ، لاڙڪاڻي ۽ شڪارپور جي هاءِ اسڪولن ۾ ملازمت ڪيائين. ان کانپوءِ 1957ع کان 1964ع تائين گورنمينٽ هاءِ اسڪول سکر ۾ استاد ٿي رهيو، جتان 15 آڪٽوبر 1964ع تي گورنمنٽ ڊگري ڪاليج سکر ۾ پوليٽيڪل سائنس جو ليڪچرار مقرر ٿيو. 1968ع ۾ سنڌ سرڪار جي سروسز ائڊمنسٽريشن ڊپارٽمينٽ ۾ سيڪشن آفيسر ۽ 1978ع ۾ تعليم کاتي جو ڊپٽي سيڪريٽري ٿيو، اهڙيءَ طرح 1982ع ۾ حڪومت سنڌ جي ناڻي کاتي ۾ پهريائين ڊپٽي سيڪريٽري، پوءِ 1986ع ۾ ايڊيشنل سيڪريٽري ۽ 1991ع ۾ سيڪريٽريءَ جي عهدن تي فائز رهيو. 1992ع ۾ سنڌ سرڪار جي سروسز ائنڊ جنرل ائڊمنسٽريشن ڊپارٽمينٽ جي Implementation Unit جو ڊائريڪٽر جنرل مقرر ٿيو ۽ انهيءَ عهدي تان رٽائرمينٽ حاصل ڪيائين.
مقبول حسين شاهه هڪ محنتي جفاڪش ۽ نهايت ئي قابل شخص هو، تنهنڪري حڪومت سندس عهدي ۾ رٽائر ٿيڻ کانپوءِ ڇهن مهينن جي واڌ ڪئي.
هن درس تدريس جي مشغلي ۽ ملازمت جي مصروفيتن سان گڏوگڏ ڪيترا درسي نصابي ڪتاب تصنيف ۽ تاليف ڪيا، جن جو وچور هن ريت آهي:
(1) سنڌ جو نظام حڪومت ۽ شهريت، (2) مملڪت پاڪ جو دستور، (3) دنيا جا قدرتي ڀاڱا، (4) جيڪا تُنهنجي مرضي، (5) دنيا جي جاگرافي، (6) مغربي پاڪ صوبي جو نظام حڪومت، (7) تاريخ اسلام، (8) هند و پاڪ، (9) هند و پاڪ ۾ برطانوي حڪومت، (10) جنرل هسٽري.
1. A Hand Book of Rules and Instructions for Civil Servants of Sindh.
2. A Guide for Retiring and Retired Civil Servants of Government of Sindh.
3. A Commentary on 1973 Constitution of Islamic Republic of Pakistan.
سيد مقبول حسين شاهه موسويءَ، 22 اپريل 1997ع تي وفات ڪئي ۽ ڏتل شاهه جي مقام ۾ مدفون آهي. کيس ٽن پٽن ۽ ٽن ڌيئرن جو اولاد آهي.
1933.05.19 عيسوي
سيد مقبول حسين ولد سيد عبدالله شاهه موسوي، 19 مئي 1933ع تي سکر ۾ ڄائو،
1997.04.22 عيسوي
سيد مقبول حسين شاهه موسويءَ، 22 اپريل 1997ع تي وفات ڪئي ۽ ڏتل شاهه جي مقام ۾ مدفون آهي.